25/12/11

Praza pública

Un novo medio de comunicación para a rede ten previsto comezar en xaneiro


A Galicia non lle cómpre o silencio. Para evitar que o silencio encore a Galicia nace Praza Pública, un novo xornal dixital en lingua galega. Aínda está viva a crise da prensa tradicional e a deleiba dos medios de comunicación na nosa lingua. En dous anos desapareceron da Rede e dos quioscos a maioría das cabeceiras informativas en galego e reduciuse drasticamente a pluralidade informativa. Nós non nos resignamos, nin aceptamos a condena de Galicia como terra de imposibles e de submisión. Son precisos novos medios para mellores tempos.

23/12/11

Na oficina de obxectos perdidos

Un novo traballo do EDLG do IES Mosteirón

Do EDLG do IES Mosteirón de Sada chega este moi bo traballo co seu alumnado. Está baseado nun texto de Made in Galiza de Sechu Sende.


22/12/11

Converxencia solicita ao Valedor que faga cumprir a lei das sinais en galego

Converxencia XXI dirixiu un escrito de queixa ao Valedor do Pobo de Galicia, para instalo a que" faga cumprir as leis vixentes sobre sinalización viaria e corrixa centos de sinais que exclúen a lingua galega nas estradas de Galicia".

 Os converxentes denuncian que "ninguén foi quen de facer cumprir a actual lexislación, que leva vixente desde os anos 80, e na que se especifica que a sinalización de estradas, aeroportos, estacións ferroviarias, de autobuses, marítimas e servizos públicos deben estar "na lingua castelá e na outra lingua oficial da Comunidade Autónoma"  e que "os topónimos galegos terán como única forma oficial a galega".
Deste xeito Converxencia pretende "chamar a atención sobre as verdadeiras funcións que debe desenvolver o Valedor de Pobo". Este cargo pediu este mes a retirada dun libro de texto por citar o artigo do Estatuto que di que o galego é a lingua propia do país sen citar o punto que lembra que o español tamén é oficial, cooficialidade que estaba explicada poucas páxinas antes no mesmo libro.
Fronte ao énfase do Valedor contra o libro de Vicens Vives, que a Xunta xa mandou corrixir, Converxencia lémbralle a este cargo que no caso da vulneración da toponimia nos letreiros oficiais "non se coñece que ninguén fose investigado ou sancionado por esta neglixencia continuada durante case 30 anos".

21/12/11

As autoridades do SERGAS son moi simpáticas

Gustaríanos saber se son máis eficaces na súa xestión

As anécdotas do Sergas

Para celebrar o vixésimo aniversario do Sergas as actuais autoridades sanitarias non tiveron mellor ocorrencia que poñer en marcha un concurso de anécdotas. Para saber do que estamos a falar vou reproducir textualmente dous exemplos, e pido excusas por anticipado: -Butano: “Box de Urgencias. Anamnesis del facultativo a un EPOC severo: -Y dígame, usted tiene oxígeno en casa? Y responde el acompañante: -Ai, non, nós na casa temos butano”. -Mamadafría: “Estando en el mostrador de cita especializada se acerca un hombre seguido de su mujer y me dice: ´A ver, que veño ca muller do ginecólogo e dixo que lle hai que facer unha mamadafría`. En principio no supe ubicar la prueba a la que se refería, pero al instante se me iluminó la bombilla y dije: ´¿una mamografía?, si eso eso, pero que seña pronto. Bestial!!! (…). Me tuve que levantar para buscar el documento correspondiente (y partirme el culo de risa de paso, jejejeje)”. Estas mostras de humor burdo e tabernario non foron recollidas na barra do bar nin están editadas nun opúsculo clandestino: están publicadas na páxina principal da web do Sergas, xusto debaixo do logotipo da Xunta. Milleiros de profesionais acceden diariamente a esta páxina e atópanse con estas pezas literarias de dudoso gusto. A grande maioría das anécdotas recollidas reflicten un esquema clásico: o señorito da cidade que xuzga con menosprezo ao paisano do rural, que fala galego. Un médico amigo, indignado coa lectura destes textos, envioulle unha carta á conselleira: “Que na intranet dun servizo público teña cabida un concurso de anécdotas nas que algun gracioso insensato poida publicar acontecementos que ocorren cando un cidadán pide algun tipo de axuda é inaceptable. (…) Atendemos a unha poboación diversa, con diferentes niveis educativos, diferentes culturas e temos moitos usuarios de idade avanzada…Suponse que escollemos unha profesión para comprender problemas de diversa índole e non para mofarnos dos demais. Pregúntome onde queda o noso respecto polos pacientes”. Ainda non obtivo resposta. Eu tamén considero que esta iniciativa é unha absoluta falta de respecto aos usuarios dos servizos sanitarios. Todas as persoas que utilizan a sanidade pública teñen dereito a recibir un trato respectuoso e cordial, e os profesionais temos a obriga de ofrecer unha atención correcta. Pola contra, na maioría destes textos, dunha calidade literaria infame, exprésase unha actitude irrespectuosa e despectiva cos usuarios (o paisaniño, a maruxiña..), unha evidente vulneración da obrigada confidencialidade e un completo desprezo polo idioma galego. Como ben apunta un comentario irónico: “Moi boas anécdotas. Vexo que combinades o castelán co swahili á perfección. É o que tén coñecer o idioma dos nativos”. As autoridades sanitarias, na vez de impulsar unha iniciativa tan inapropiada, deberían: -formar aos traballadores do Sergas para prestar unha atención humana, cordial e respectuosa, con independencia da extracción social, nivel educativo e instalación idiomática dos pacientes. -procurar que todos os profesionais dos servizos de saúde coñezan e poñan en práctica os principios éticos da boa práctica profesional. -fomentar a utilización do galego na relación cos usuarios, que pode producir beneficios para a saúde dos cidadáns e do propio idioma. Con esta orientación o XX aniversario do Sergas serviría para mellorar a calidade dos servizos e procurar unha maior satisfacción dos cidadáns. Mentras non se poñan en marcha iniciativas nesta dirección eu reclamo, desde esta humilde páxina, que supriman esta páxina da intranet, que resulta tan denigrante para os nosos pacientes, e que pidan disculpas públicas os responsables de tan insensata iniciativa.

Por Pablo Vaamonde | en "Galicia Confidencial", A Coruña | 21/12/2011

19/12/11

Dicionario de química en galego

 A presentación tivo lugar na Facultade de Ciencias da Universidade de A Coruña

Como conmemoración “duradeira” do Ano Internacional da Química 2011 que remata, a UDC edita o primeiro Dicionario de Química en galego. Nun esforzo excepcional de protección da lingua como patrimonio social e cultural, a obra, recolle máis de 7.000 termos e apéndices con táboa periódica, glosario en galego, castelán, inglés e portugués, escolma gráfica de material de laboratorio, etc.

Coa publicacion deste dicionario, a UDC cumpre con varias das medidas do Plano de normalizacion lingüuística e enfronta o reto de ofrecer un produto de grande envergadura que desenvolve un traballo conxunto entre lingüístas e profesionais.
Dous dos autores da obra son ex-alumnos da Facultade de Ciencias da UDC.

17/12/11

Recendo

Programa radiofónico da Agrupación Cultural Alexandre Bóveda en CUAC FM

15/12/11

Os "soños" dos nenos xitanos

"Teño que sacar o graduado. Tamén me gustaría que a miña nai aprendera a ler", desexa unha nena de etnia xitana... Arquitectos Sen Fronteiras presenta o audiovisual 'Pedra Papel' no que conta a experiencia de once cativos no asentamento de Ponte Pasaxe. Completo vídeo de Tingalaranga para GC no interior.

Máis información en "Galicia Confidencial"


13/12/11

O Valedor do Pobo ignora o artigo 5 do Estatuto de Autonomía

O Conselleiro de Educación tamén

O Estatuto de Autonomía di, no seu artigo 5, que a lingua propia de Galicia é o galego. Esta norma foi aprobada en referendo polo pobo galego o 21 de decembro de 1980.

Un libro de texto de Coñecemento do Medio de 5º de primaria da editorial Vicens Vives ven de recoller esta información para educación dos nenos galegos.

O Valedor do Pobo volve a estar no centro da polémica debido a un ditame sobre a lingua. Benigno López reclamou á Xunta que retire un libro de texto das aulas.

O volume inclúe un artigo do Estatuto de Autonomía sobre a lingua, citando que "a lingua propia de Galicia é o galego" pero sen explicar  que o castelán tamén o é oficial.

Velaquí o texto da polémica, que o valedor cualifica como "información inexacta e incompleta e, polo tanto, falsa".



Pedro Larrauri, líder de Unión Progreso y Democracia en Vigo, denunciou este libro de texto ante a propia Consellería de Educación. Segundo explica no seu blog, o Goberno non lle deu unha resposta clara, aínda que apuntou que non vía problema no texto. O político levou entón a súa protesta ao Valedor do Pobo.

Benigno López non só lle dá a razón, senón que carga contra a Xunta por non retirar inmediatamente  un libro "cun contido incompleto en canto á regulación estatutaria das linguas (...) sexa ou non deliberada. Como tal incontenido incompleto, produce un coñecemento inexacto do réxime xurídico das linguas oficiais en Galicia e, en consecuencia, non só carece de rigor xurídico imprescindible nos libros de texto senón que transmite unha información contraria á configuración constitucional da cooficialidade".

Resposta da Mesa e Prolingua

Dúas plataformas a prol da normalización do galego pediron a dimisión do Valedor. A Mesa pola Normalización lembra a "fobia obsesiva" de Sánchez contra o galego e que cando era xuíz negouse a usar o topónimo oficial, A Coruña. Carlos Callón, presidente da Mesa, reclama "explicacións claras" e, no caso contrario, que o Parlamento cese a Sánchez. Callón apunta que o Valedor ignora as queixas presentadas pola Mesa.

Ademais, a plataforma Prolingua, nacida ao fío da polémica redución do mínimo de galego nas aulas, argumenta que o Valedor "ignore os contidos do Estatuto de Autonomía, parece un absurdo, mesmo cómico se non fose pola trascendencia do cargo e das súas decisións".

"Desde ProLingua esiximos unha rectificación inmediata e pedimos a dimisión dun Valedor do Pobo que con esta resolución mostra a súa incompetencia para o cargo e unha teima probada contra a lingua propia de Galicia (así denominada no Estatuto de Autonomía, o mesmo que dá razón de ser ao posto cuxos preceptos máis básicos incumpre con frecuencia)", conclúe o seu comunicado.


Información recollida de Galicia Confidencial, 11-12-2013

Esta  información non acaba aquí: a Consellería de educación correxira o libro de texto. A decisión provocou unha enorme oleada de críticas, entre outros motivos porque o propio Estatuto de Autonomía recoñece como única lingua propia o galego, aínda que inmediatamente recolle que tanto o castelán como galego son linguas oficiais da comunidade.
A Mesa pediu ao Valedor do Pobo a que explique o que considera unha caza de bruxas contra a cultura galega, mentres a plataforma Queremos Galego convocou para o xoves unha concentración ante a se deste organismo. Ademais, instan á presidenta do Parlamento a que cese a Benigno López do seu cargo. Tamén Prolingua esixe a marcha do valedor, mentres que CIG-Ensino fai un chamamento aos profesores para que sigan utilizando estes manuais que están avalados pola lexislación vixente. O sindicato nacionalista reclama ao Presidente da Xunta que cese ao conselleiro de Educación, a quen acusan de levar a cabo unha cruzada contra o galego.

09/12/11

Vencello

Vencello é a primeira rede de blogues temáticos en lingua galega, nada a partir da unión dunha serie de blogues xa creados e doutros novos creados ex profeso, que tentan cubrir un abano amplo de temáticas co punto en común de estar escritos en lingua galega.

Mais Vencello pretende ser ademais un ente impulsor de blogues de novas temáticas, que poña en relación a persoas con intereses comúns que buscan escribir sobre un tema e non poderían ou queren levar un blogue en solitario. Con esta vontade temos en marcha un proxecto de viveiro de blogues, A Incubadora.
Polo de agora, forman parte de Vencello os seguintes blogues:
Cinema Friki
Aventuras, acción, fantástico, ciencia ficción, terror, medo, ultraviolencia, de chineses, HK, anime, serie B, serie Z, clásicos, series... Novas e críticas para saber que ver e que non ver.


Galiloxía
Galiloxía é un blogue sobre tecnoloxía onde sempre atoparás novas sobre aparellos, chismes e trebellos de todo tipo e clase, dende os máis coñecidos ate os máis inusuais e atrevidos, todo esto sen esquecernos de análises, unboxings e máis.


A Mac-eira
Blogue sobre o mundo Apple onde poderás atopar noticias, vídeos e complementos para os teus aparellos da mazá, dende a gama máis portátil de reproductores pasando polos trebellos do momento e rematando cos grandes da casa, os Mac.


Mallando na e-ira é un blogue con contidos “científicos” e divulgativos, que tentamos explicar da forma máis pedagóxica posible. En Mallando na e-ira falamos desde sobre estruturas de pontes, até sobre a orixe dunha palabra, pasando por lembranzas de aniversarios de feitos históricos ou científicos, ou por todo aquelo que ten que ver coas comunicacións.

Mallando no Android é o blogue no que falamos do sistema operativo de Google. Nel analízanse todo tipo de cuestións relacionadas con Android, como a análise de aplicacións e terminais, consellos de uso e trucos... así como tamén información puntual sobre a actualidade sobre Android e a cobertura dos eventos máis destacados.


Mallando na BlackBerry é o lugar para estar ao día de todo o que se move no mundo BlackBerry. Nel falamos tanto de dispositivos como de aplicacións e trucos que farán moito máis doado a xestión do teu aparello RIM.

A Malla das Telecos é un espazo no que analizamos todo o que ten a ver coas operadoras de telefonía e Internet, tratando de poñer orde e explicar de xeito sinxelo a diversidade de compañías, tarifas, ofertas e promocións, ademais de dar algún que outro consello para tratar de aforrar nas nosas facturas.


O Esparavel de Mallando
O Esparavel de Mallando é un fotoblogue que xurdiu coa idea de amosar nel imaxes curiosas relacionadas principalmente coa construción. Estas imaxes acompañámolas na maioría dos casos dunha descrición que intenta explicar da maneira máis breve e sinxela posíbel o que nos atopamos nela.


Memoria Pixelada
Memoria Pixelada é a primeira web sobre videoxogos integramente en galego na cal analizamos videoxogos, actualizamos as novidades diariamente, realizamos artigos de opinión etc, e todo cun toque de humor que se reflexa máis pronunciadamente nos apartados de "Trangalladas" e "Frikimaxes".
Irémolos descubrindo pouco a pouco. Entra en vencello

07/12/11

Galeoke, cantamos en familia nestas festas

Despois do café o avó toma a iniciativa, o meu normalmente arrinca con esa que di así: “Quedaches de vir ás nove, viñeches ás nove e media, ti pensas que esa é maneira de enganar a unha morena…”, pero cada casa ten o seu estilo. No repertorio de cantigas hai porén unha serie de grandes éxitos que non poden faltar nunha celebración que se prece. Agora, un novidoso invento que podes experimentar en primeira persoa no Culturgal está chamado a revolucionar as sobremesas en moitos fogares galegos. Chámase Galeoke, o primeiro karaoke con cancións 100% galegas.

 Aitana é unha das responsables da iniciativa, obra de “cinco colegas” amantes da festa, fartos de ter que entoar hits de Lady Gaga ou Beyoncé. “Queremos cantar cousas que nos gustan”, afirma.
O Galeoke é parecido ao coñecido videoxogo Sing Star da PlayStation, coa diferencia de que no canto dos éxitos comerciais do momento en castelán ou en inglés, neste karaoke enxebre todos os títulos son galegos. Polo demais, o mecanismo do xogo é bastante similar: o obxectivo consiste en ser o mellor entoando. Ao final da canción o Galeoke puntuará a túa actuación, determinando se careces completamente de oído, ou se pola contra tes potencial de estrela. “Non se trata de saber a canción, senón de facelo ben”, explica Aitana.
Este Karaoke instálase no ordenador e é compatible con Mac, Windows e Linux. Só precisas engadir un micro, e a festa está garantida. Ou polo menos isto opina unha señora espontánea que se abalanza sobre un dos micrófonos instalados no stand do Galeoke no Culturgal. “Con isto tes festa todo o ano. Cantan nenos, cantan fillos, cantan avós, cantan todos”. Iso si, prefire ir por libre antes que ter que seguir as liñas de entoación que amosa a interface do xogo.
O primeiro volume do Galeoke presentouse o ano pasado, precisamente na Feira das Industrias Culturais de Galicia, e “foi un éxito”. Aitana explica que o segundo estará á venda este Nadal, con 21 temas que van desde a tradición á música máis contemporánea e entre os que se atopan ‘O sancristán de Coimbra’ de Pilocha, ‘Quero josar’, de Heredeiros da Crus, a ‘Xota de Ribeira de Piquín’ de Nova Galega de Danza e ‘Calamar’ de The Homens. Se estás interesado/a en adquirir algún dos volumes podes facelo en librerías e tendas de música por un prezo que ronda os 20 euros.
Á hora de realizar a escolla dos temas é fundamental que as cancións se poidan “galeokar”. A música acompáñase cun videoclip, cando existe, ou no seu defecto cunha imaxe fixa do grupo. O Galeoke destínase a todo tipo de público adulto, “desde chavalada a señoras”, aínda que  os nenos son os que máis se lanzaron a probar a experiencia no seu stand do Culturgal.


05/12/11

O Culturgal, a cultura que esquiva á crise

O sector cultural galego xenera 17.000 empregos e representa o 3% do PIB da nosa economía.

A Feira das Industrias Culturais pechou as súas portas coa satisfacción unánime do sector, tanto pola masiva resposta do público en Pontevedra como pola crecente sintonía acadada entre as empresas de distintos gremios culturais. Vídeo de Tingalaranga no interior. 



03/12/11

Percebeiros

Documental de David Beriain, seleccionado para os Premios Goya:



Introduce algúns elementos fotográficos interesantes, como o dispoñer de imaxes aéreas das secuencias filmadas cos propios percebeiros no seu traballo. Un retrato dunha auténtica épica cotián.

01/12/11

Música brasileira moi próxima á nosa

Michel Teló: Ai se eu te pego

Descubrimos esta canción brasileira. A música deste enorme país é moito do noso agrado. Velaí unha  proba de que entre galego e brasileiro son máis as semellanzas que as diferenzas.



Nossa, nossa
Assim você me mata
Ai se eu te pego, ai ai se eu te pego

Delícia, delícia
Assim você me mata
Ai se eu te pego, ai ai se eu te pego

Sábado na balada
A galera começou a dançar
E passou a menina mais linda
Tomei coragem e comecei a falar

Nossa, nossa
Assim você me mata
Ai se eu te pego, ai ai se eu te pego

Delícia, delícia
Assim você me mata
Ai se eu te pego, ai ai se eu te pego

Sábado na balada
A galera começou a dançar
E passou a menina mais linda
Tomei coragem e comecei a falar

Nossa, nossa
Assim você me mata
Ai se eu te pego, ai ai se eu te pego

Delícia, delícia
Assim você me mata
Ai se eu te pego, ai ai se eu te pego

30/11/11

O galego tratado coma unha lingua estranxeira nos xulgados

O ex conselleiro Fernando Blanco foi chamado a declarar nos xulgados de Lugo imputado na operación Campión . Fixo a súa declaración en galego. Ata aí todo normal.

O que non o é, foi o que sucedeu despois: a xuíz considerou preciso traducir a declaración. Houbo que chamar a un tradutor xurado e o proceso durou CINCO HORAS!!!!
Velaí como a nosa lingua é tratada, unha vez máis, coma unha lingua extranxeira
Dado que Blanco esixiu o seu dereito de declarar en galego e que a xuíza Ronsel San José non o domina con fluidez, solicitouse a presenza dun tradutor do servizo da Audiencia. O problema é que se tardou unhas tres horas en traducir ao galego a declaración completa, duns cinco folios.
O descontento tanto de Blanco como dos seus letrados quedou patente coa declaración dun deles, Evaristo Nogueira: Hoxe nos xulgados de Lugo, e non por culpa da xuíza, tratouse o galego como unha lingua estranxeira.

29/11/11

Unha nova versión da cantiga de amigo

Los Watios continúan coa obra de Mendinho en San Simón


Nova celebración de Culturgal en Pontevedra

Abre as portas do 2 ao 4 de Decembro


As persoas que se acheguen a Pontevedra esta fin de semana poderán escoller entre máis de 24 actuacións musicais en directo, máis de 20 obras de teatro, máis de 30 actividades relacionadas co mundo do libro, múltiples presentacións de proxectos tecnolóxicos e as primeiras imaxes das propostas audiovisuais que pronto chegarán aos cines galegos. Serán tres días intensos, cheos de propostas para todos os gustos, sen un momento libre para o aburrimento.
A Feira abre as súas portas o venres ás 11h, para non pechalas ata que caia a noite do domingo. Espazo hai para todo: música, audiovisual, artes escénicas, novas tecnoloxías, literatura e programación infantil.

28/11/11

PREMIOS XOAN MANUEL PINTOS «O futuro do galego depende moito da nosa capacidade de resistencia»



''Este premio dános alento para continuar co noso labor''. Belén Escariz e Rubén Rivas agradecían desta maneira, onte, en Pontevedra, o premio Xoán Manuel Pintos que este ano foi a parar á Coordinadora Galega de Equipos de Normalización Lingüística. Despois citaron o texto que saíu da asemblea da coordinadora este ano, no que se facía fincapé na resistencia como valor fundamental dun traballo de defensa do idioma. ''Debemos esforzarnos por manter a esperanza. O futuro do galego depende moito da nosa capacidade de resistencia. Cómpre non quedar na crise e no lamento. Resistir ten que ser avanzar''.
A Coordinadora Galega de Equipos de Normalización Lingüística foi merecedora do premio Xoán Manuel Pintos 2011 na categoría de traxectoria recente, mentres a Aula Castelao de Filosofía o foi na de toda unha traxectoria a prol da lingua. Ámbalas dúas institución recibiron os seus respectivos recoñecementos nun acto que tivo lugar onte á noite no Pazo de Mugartegui. Os premios Xoán Manuel Pintos, que recoñecen o compromiso coa defensa da lingua galega realizado por persoas ou institucións, están convocados polo Concello de Pontevedra a Rede de Entidades Amigas da Lingua (REAL) e non ten dotación económica.
Carlos Calviño
 No nome da Aula Castelao, recolleu o galardón o seu coordinador, Carlos Calviño, que lembrou que entre os obxectivos fundacionais da institución estaba a defensa dunha serie de principios dende un compromiso irrenunciable a prol da lingua galega. ''A galeguización da sociedade estaba entre os nosos obxectivos primeiros'', explicou.

27/11/11

Espazo abalar discrimina ao galego en canto á elaboración de recursos na rede

Alarmante informe sobre a situación dos recursos didácticos en galego no espazo abalar

(Ver información completa no blog: Carta Xeométrica)

Innovación educativa. O caso Abalar.

 Pola contra, que é o que podemos atopar de innovador no ámbito das ciencias en galego?
O anterior goberno da Xunta impulsara un portal ,  dependente da Consellería de Educación que comenzaba a ser a referencia á que acudir na procura de materiais educativos. Porén este proxécto esborrallouse desde que o actual conselleiro presentou como motor da innovación educativa o Espazo Abalar.
Hai prácticamente 7 meses que no abalar non aparece ningún novo recurso (o último ten data do 29/04/2011). Abalar é un espazo morto. Pero ademais cheira a podre. Nesta especie de zombie electrónico non hai ningún recurso que xurdira, por exemplo, dun programa de formación do profesorado nas TIC. Tampouco temos nada que se xestara dentro dun sistema organizado pola propia Consellería para a creación de novos recursos. O Espazo Abalar vén sendo unha rapañota aleatoria e desordenada do que se pode pillar pola arañeira de internet.





Desprezo á lingua galega. O caso Abalar
O resultado final das aplicacións que no ámbito das ciencias nos ofrece Abalar vén clasificado segundo a lingua de cada recurso nesta táboa:


 Ao lembarmos que o funesto decreto 79/2010 determinaba que todo o material de Coñecemento do Medio debía estar en galego e o de Matemática en castelán, podemos comprobar cal é a intención non declarada do abalar en materia de uso de linguas, pois se ben con este material só sería posible tratar en galego catro aspectos puntuais da área de Matemáticas, pola contra os 29 recursos de Coñecemento do Medio en castelán poden servir para cubrir todo o curso de 5º de primaria. Se xa sabíamos que o presunto equilibrio lingüístico cargaba  as súas pesas na lingua que ten todas as ventaxas de partida, o proceso de acoso e redución do galego é dunha ambición ilimitada. Neste caso é a Consellería de Educación, por medio do programa Abalar quen comete o abuso.

26/11/11

Entrevista a Valentina Formoso, presidenta da CGENDL en "Galicia confidencial"

'A nosa lingua está á espera de que a axudemos a librar de todo ese lastre negativo que lle foron colgando' 

  Xurxo Salgado entrevista a Valentina Formoso, coordinadora da CGENDL, para Galicia Confidencial:

Hai uns días foi reelixida presidenta da Coordinadora Galega de Equipos de Normalización e Dinamización Lingüística (CGENL) co principal obxectivo de dignificar o uso do galego e extender o seu uso dentro e fora dos centros de ensino. Asegura que o galego está "nunha situación delicada" e pide á sociedade civil que se mobilice na súa defensa. Sobre Galicia Bilingüe asegura que son "fabas contadas" nos centros.
Galicia Confidencial (GC).- Cales son os principais retos da CGENDL? Valentina Formoso (VF).- O principal reto neste momento é o de ilusionar aos equipos para seguir traballando nunhas situacións moi difíciles coma as que estamos a vivir. E esta ilusión ten que ir acompañada dun novo discurso arredor da promoción do galego, promoción ligada a unha imaxe en positivo da mesma que poidamos estender en todos os centros de ensino, e que poidamos tamén enviar ao resto da sociedade.
Ademais diso queremos manter a nosa pluralidade, algo que nos define. Tamén nos imos esforzar en seguirmos  sumando vontades e  en fomentar o traballo en equipo, para así superar o minifundismo propio deste noso país, minifundismo que tamén lle afecta tamén ao ámbito normalizador. Outros retos que temos pasan por adaptar o traballo normalizador dos equipos á nova etapa que se está a vivir nos centros e mais aos diferentes contextos existentes na sociedade.

 Ler a entrevista completa en "Galicia confidencial"

25/11/11

II Día da Ciencia no IES "A Sardiñeira"

Un extintor caseiro, ensaios á chama, pólvora de cores, un billete de 5 € que non arde, un volcán de escuma, ferver auga nun vaso de papel, verme de carbón, burbullas explosivas. Así disfrutaron do II Día da Ciencia en Galego no IES A Sardiñeira. Excelente vídeo.


24/11/11

25 de Novembro estam@s tod@s contra a violencia de xénero

Glogster elaborados pol@s alumn@s de 2º de ESO do IES Elviña do curso 2010-11 para conmemorar o día contra a violencia de xénero




21/11/11

O portugués ao noso alcance

Presentación do curso OPS! O PORTUGUÉS SIMPLES no IES de Breamo (Pontedeume)

A profesora Antía Cortizas presentou no IES Breamo un obradoiro sobre a utilidade do portugués. Houbo gran satisfacción por parte do alumando.

 
E non é para menos, pois quen sabe galego parte con vantaxe nisto de aprender portugués, esa lingua que naceu en Galiza hai máis de mil anos e que é a sexta lingua máis falada do mundo e oficial en oito países. Ou sexa, que agardan por nós nada menos que 230 millóns de oportunidades!
 

14/11/11

Prolingua pide a renuncia aos "Premios da Cultura Galega"


"Facemos un novo chamamento a cada unha das persoas premiadas para non abonaren coa súa presenza as agresións contra o dereito a vivir libre e plenamente no idioma galego". É a petición que esta plataforma lle fai ao dramaturgo Quico Cadaval, o gaitero Carlos Núñez ou á actriz María Pujalte.





 Máis información en Galicia Confidencial

13/11/11

Cambre, visto por nenos de 5 anos

O CEIP O GRAXAL gaña un premio educativo dotado con 16.000 euros

As profesoras Jenny Brandariz e Irene Conde do CEIP O Graxal de Cambre editaron unha guía  dos traballos dos seus alumnos de cinco anos sobre Cambre  que gañou o concurso estatal Crearche, no apartado de educación infantil. 

Na guía os nenos fan descricións moi curiosas da contorna que lles rodea. Do río Mero indican que está «chulísimo» porque «ten moitas árbores, algunhas saen do medio do río e fan como illas e outras están por fora, non paseo. Este paseo está feito de terra. É estreito e longo, chega ata Cecebre». Tamén describen a igrexa de Santa María como un edificio «moi grande» e detallan cousas que a moitos se lles pasarían desapercibidas xa que sobre as súas portas de madeira, «metido nun círculo, hai unha ovella cunha cruz grande», indican. Tamén achegan un especial punto de vista da ponte romana que Cambre comparte co Burgo, no que «hai escudos, que vos vin con mamá», está rodeado de «cisnes, patos, peixes e gaivotas», a pesar de que «a ría está sucia, con moita lixo». O Concello de Cambre anunciou que subvencionará a publicación de máis guías.

11/11/11

A química tamén fala galego no ies Elviña

@s alumn@s de 1º de Bacharelato do IES Elviña realizaron experimentos para conmemorar o día da ciencia en galego. A maioría relacionados coa química.

06/11/11

A lingua tan necesaria como o pan

@s alumn@s do CIP Virxe da Saleta de Cea protagonizan un video sobre a lingua

Lipdub do CPI Virxe da Saleta sobre unha versión de Sweet Home Alabama de Lynyrd Skynyrd, popularizada por Siniestro Total como Miña Terra Galega. Sobre unha idea de Álvaro Cunqueiro, naceu a letra de A Lingua Sabe a Pan. Contou coa participación de todo o alumnado do CPI e dos músicos Pedro Feijoo e Charly Lincoln que gravaron, misturaron e produciron nos estudios Muu! de Vigo.



04/11/11

III ASEMBLEA DA COORDINADORA GALEGA DE ENDL

5 de novembro no IES Fontiñas de Santiago


ORDE DO DÍA

  • 10.45.Entrega credenciais e documentación.
  • 11.00.Apertura da asemblea.
  • 11.05.Aprobación do regulamento.
  • 11.20. Informe do CD saínte (dos 2 anos. Votación: apróbase/non).
  • 11.40.Descanso.
  • 12.10.Revisión da "Organización e funcionamento da CGENDL": exposición, debate e votación de enmendas, se houber.
  • 12.40.Presentación de candidaturas ao Consello Directivo e posterior votación.
  • 13.15. Nomeamento do novo Consello Directivo da CGENDL.
  • 13.20.Proposta do Plan anual de traballo: presentación, debate e votación e Novas propostas de actividades enviadas desde os equipos.
  • 13.50. Rogos e preguntas.
  • 14.15.Clausura da asemblea polo/a Coordinador/a Xeral.

03/11/11

Máis de 10.000 alumnos participarán no Día da Ciencia en Galego

María Isabel Fraga Vila, directora do Museo de Historia Natural da USC, e don Ángel Carracedo, director do Instituto de Medicina Legal, participan nas xornadas organizadas pola Coordinadora Galega de ENDL.
A ciencia tamén se pode facer en galego ou iso cre a Coordinadora Galega de Equipos de Normalización e Dinamización Lingüística (CGENDL) que pon en marcha este sábado o lema do II Día da Ciencia en Galego. Estas xornadas teñen como obxectivo mostrar que a lingua galega é un idioma apto para o desenvolvemento das materias científico-técnicas no ensino, ámbitos excluídos para o galego en diferentes niveis educativos segundo o Decreto para o Plurilingüismo.


Segundo apunta a coordinadora, a resposta dos centros educativos “está sendo moi boa” e superou as expectativas da organización, posto que xa se cubriron as 100 conexións existentes para os centros de secundaria e algo máis de 60 para os centros de Primaria. En total, serán algo máis de 10.000 rapaces e rapazas de toda Galicia os que seguirán as intervencións dos conferenciantes, aos que lle poderán dirixir preguntas a través dun chat na propia sala virtual da videoconferencia.

02/11/11

Por defuntos a lingua tamén está presente

Poucas lápidas teñen algo especial: unha entre catrocentas. Unha luz entre a desfeita, un milagre nos cemiterios.



 
  Viñeta de Kiko da Silva

@S ALUMN@S DO IES DE BREAMO (Pontedeume)contan contos de medo o día de defuntos

31/10/11

Concedido o premio Xoán Manuel Pintos 2011 á CGENDL

O Concello de Pontevedra e a Rede de Entidades Amigas da Lingua (REAL) concedéronlle o Premio Xoán Manuel Pintos 2011 de impulso da normalización lingüística á Coordinadora Galega de Equipos de Normalización e Dinamización da Lingua (CGENDL) e á Aula Castelao de Filosofía.
Norabóa e parabens a tod@s.

27/10/11

César Morán presenta un libro musicado sobre Cunqueiro

Na Asociación Cultural Alexandre Bóveda o día 27 de outubro ás 20 horas, César Morán presentará o seu libro Haberá Primavera. O escritor e músico canta a Álvaro Cunqueiro. Esta obra está publicada por Galaxia. e participa a cantante Uxía.  Vai acompañada de dous cd's, un coa música e outro coa derradeira entrevista concedida en vida polo autor de Mondoñedo, precisamente, a César.



Censurado un blog de dinamización lingüística

Pecha o blog do CEIP de Campolongo

A Consellería de Educación prosigue coa súa Caza de Meigas na destrución das señas de identidade deste país. Agora lle toca a un medio de difusión educativa en galego, o blog do CEIP de Campolongo. Un blog, que , por outro lado, fora recomendado pola mesma Secretaría de Política Lingüística da Xunta de Galicia.






26/10/11

O profesorado expresa un non rotundo aos recortes no ensino público e ás imposicións da Consellería

Case o 100% do profesorado trasladou un non rotundo aos recortes impostos pola Consellería de Educación no referendo celebrado o martes 25 de outubro en máis de 760 centros de todo o País. Ante este rexeitamento inequívoco da política educativa da Consellaría, cremos que soamente cabe unha saída: a retirada da orde pola que se amplía a carga lectiva do profesorado e a obriga de vixilancia do alumnado transportado. Unha orde que supuxo unha redución do profesorado e o empeoramento da calidade do ensino.
Un momento das votacións no IES Agra de Leborís.

No referendo celebrado este martes 25 de outubro, o profesorado dixo:
•Non aos recortes no ensino público.
•Non ao incremento do horario lectivo.
•Non a imposición da custodia do transporte.
•Non a esta política educativa que procura o desprestixio do ensino público e favorece á privada.

Escrutados os 764 centros, o resultado é o seguinte:

PREGUNTA SI NON  BRANCO
Estás de acordo cos recortes no ensino público? 0,69% 98,03% 1,30%
A Consellaría de Educación impuxo un incremento do horario lectivo. Estás de acordo con este incremento? 3,13% 93,38% 3,43%
Estás de acordo con que o profesorado teña entre as súas funcións a custodia do alumnado transportado? 1,26% 97,23% 1,37%
Consideras que as diferentes medidas adoptadas pola Consellaría de Educación melloran a calidade do ensino? 0,65% 97,48% 1,50%

A alta participación no referendo e a elevada porcentaxe de respostas negativas supoñen o rexeitamento máis evidente e contundente ás medidas de recorte e de deterioro do ensino público emprendidas pola Consellaría de Educación.
A participación do profesorado significa tamén posicionarse en prol da defensa inequívoca do ensino público como único garante da igualdade de oportunidades.

Un non rotundo aos recortes

O profesorado dixo non aos recortes sen precedentes que a Consellería está a  levar a cabo no ensino público, uns recortes que se concretaron na redución de máis de mil profesores, no peche de 156 unidades, na masificación das aulas, nunha atención inadecuada ás necesidades educativas especiais e á diversidade ou na carencia de prazas para Educación Permanente de Adultos e FP. Todo isto, mentres a Consellaría si  amplía unidades concertadas na privada e arbitra outros mecanismos de desvío de fondos públicos a eses centros.
O profesorado rexeitou tamén a ampliación do horario lectivo, coa rotura dun acordo unitario no caso de Primaria, porque, non só empeora as condicións laborais do profesorado, senón que supón un ataque á calidade do ensino na medida en que imposibilita que se poidan realizar outras funcións necesarias. Ademais a Consellaría coa redución do profesorado e a prohibición de realizar desdobres procura o deterioro do ensino público ao impedir unha atención personalizada.
“Os resultados do referendo son a mostra máis contundente da repulsa do profesorado a un Conselleiro que ten como denominador común na súa actuación a mentira, a demagoxia e a manipulación, como por exemplo cando se atreveu a afirmar que o profesorado era favorábel maioritariamente ás medidas e recortes que está realizando contra o ensino público. Coa súa participación o profesorado está a reclamar que o Conselleiro poña fin ás actuacións que teñen como obxectivo o desprestixio e a desvalorización da función docente”.

22/10/11

MOSTRA DE CIENCIA E CINEMA

Organizado pola Casa das Ciencias, na semana do 24 ao 28 de outubro pódese disfrutar de documentais sobre ciencia. Proxectaranse no CGAI e na Fundación Rodríguez Iglesias.





21/10/11

Quen abre a partida?

Os concellos de Arteixo e A Coruña aínda non teñen marcado o seu deslinde

Os veciños de Meicende editan unha versión do xogo do Monopoly, para reivindicar o deslinde entre Arteixo e A Coruña. O actual alcalde, Carlos Calvelo, encabezou durante o pasado mandato as protestas polos perxuízos derivados da indefinición das fronteiras entre ambos concellos que, segundo os seus cálculos, deixaban en terra de ninguén a 551 vivendas e unha cantidade considerable de empresas.

.

 

17/10/11

Criterios de linguaxe non sexista

O Servizo de Normalización Lingüística, en colaboración coa Oficina de Igualdade de Xénero, acaba de publicar unha guía de Criterios de Linguaxe non Sexista. Esta guía pretende ser un apoio no labor de redacción e creación textual para toda a comunidade universitaria, en especial para as persoas nas que recae a responsabilidade de difundir información institucional. A súa utilización permitirá que os textos e os discursos emitidos pola nosa Universidade teñan un estilo comprometido co non sexismo e asentado na cultura da igualdade.
A contribución de todos e todas nós neste labor contribuirá a facer da Universidade de Santiago de Compostela un exemplo de compromiso cos valores de modernidade e de igualdade.


16/10/11

O galego marxinado nos medios de comunicación

Presentado un manifesto en Santiago contra a marxinación do noso idioma

"O incremento da presenza da nosa lingua nos medios de comunicación acadado pola acción da sociedade galega nas derradeiras décadas do século XX –que situaría o seu punto culminante nunha media do 7,5% de espazo na prensa escrita cara ao ano 1975- foi progresivamente recuando, nos últimos anos, ata se situar apenas nun 3% nese mesmo sector en 1993 (...).
                                
Peticións do manifesto:

Por todo o devandito, como galegas e galegos, asinamos a nivel individual ou colectivo o presente escrito e esiximos dos medios privados de comunicación de masas en Galiza:
1) A presenza do galego nun 50% da totalidade do espazo escrito e tempo da grella de programación.
2) A reprodución literal das nosas declaracións e intervencións na lingua en que as expresamos.
3) A transcrición literal dos eslógans e textos das pancartas na súa lingua orixinal.Esta reclamación do mínimo respecto seralles trasladada aos empresarios ou directores dos medios, e se estes continuaren na súa actitude discriminatoria estudaremos facer valer os nosos dereitos ante os tribunais de Xustiza e as instancias internacionais pertinentes.

14/10/11

4 DE NOVEMBRO DÍA DA CIENCIA EN GALEGO


Con motivo da primeira edición da Xornada pola Ciencia en Galego, a Coordinadora Galega de ENDL e o Departamento de Física de Partículas da Universidade de Santiago de Compostela organizaron esta videoconferencia con investigadores galegos do CERN (Xenebra) e da Facultade de Fisica da USC, que explicaron os proxectos científicos que desenvolven na actualidade. A videoconferencia tivo lugar o 4 de novembro de 2010 e nela participaron Carlos Salgado dende o IES de Porto do Son, Elena González Ferreiro (Fac. de Física da USC) e Teresa Fonseca e Abraham Gallas (CERN - Xenebra). As súas intervencións foron seguidas por máis de 2700 alumnos e alumnas dende 60 institutos e colexios de toda Galicia. A Unidade Multimedia e TIC da USC fixo posíbel este multitudinario encontro a través da rede. 


Do Cern a Compostela coa Física de Partículas from Coordinadora Galega ENDL on Vimeo.

11/10/11

Por un depor en galego

Fútbol galego, fútbol en galego, o proxecto de GalegoLab que pretende que o Dépor comece a utilizar o galego, xa conseguiu todos os recursos que precisaba. Toca agora, por tanto, poñerse a traballar.
Este é o folleto da campaña:


XA está !! xa temos todo o que precisamos para botar a andar o proxecto. Grazas a todos os q colaborastes dunha ou doutr maneira.
Agora toca empezarmos a facer pública a nosa iniciativa, a dala a coñecer ao deportivismo e a toda Galiza, para seguir a sumar apoios.
En setembro no comezo da liga faremos un reparto de folletos en Riazor, estade atentos.
E despois principiaremos outra serie de actividades, rolda de prensa, contactos con peñas, coa directiva etc.
Desta vez ten que ir. Queremos un DEPOR en GALEGO e de primeira. Dous obxectivos a cumprir para este ano !!
No comezo da liga 2011-2012 faremos unha serie de actos públicos para darnos a coñecer máis, e tentaremos que a actual directiva do Depor se decate de que non hai motivos para continuaren con esta actitide de exclusión do galego, lingua propia e cooficial en Galiza.

Cales eran as necesidades

De momento xa temos recursos abondos para imprimir os primeiros folletos, mais non viría mal dende logo que houber máis aportacións, sempre nos permitiría facer outros materiais, autocolantes, camisetas, pancartas para Riazor, etc

Cales eran os obxectivos

Os primeiros pasos a darmos para lanzar e por a andar esta idea serían


1. Que, co texto adxunto (que se pode descargar en "Arquivos con información adicional"), alguén deseñe un folleto informativo da campaña.

2. Conseguir xente que o imprima e o reparta no estadio. Máis adiante, se a idea ten éxito, buscaríanse fondos para imprimilos máis masivamente.

3. Facer o reparto.

4. Voluntarios que contacten coas peñas para informar e difundir a idea.

5. Atopar o máximo de xente interesada que se adhira a un grupo que xa hai creado en Facebook a este efecto (http://www.facebook.com/home.php#!/group.php?gid=409185220190 ), para aportar suxerencias, facer comentarios...



Se a idea prospera, máis adiante buscarase facer algún acto público, tipo rolda de prensa, para dala a coñecer ao máximo de xente posible, tendo establecido contactos con peñas, figuras destacadas do deportivismo...

30/09/11

Abertos ao galego

A Mesa pola normalización lingüística presentou un distintivo empresarial co obxectivo de crear unha rede de empresas que apostan pola lingua.




O proxecto chamado ABERTOS AO GALEGO, arrinca con 62 empresas –entre as que se atopan librarías, bares ou tendas de roupa– e está aberto a todas as empresas que desexen adoptar e desenvolver compromisos para a normalización da lingua galega.

O obxectivo desta iniciativa é crear unha rede de dinamización do uso do galego no ámbito socioeconómico, que "sirva de apoio e de referencia social".

O certificado conta con catro niveis:

NIVEL UN. Empresas e organizacións que adoptaron e están a desenvolver medidas para a normalización do galego.
Os requisitos mínimos para as empresas son o uso non deturpado da toponimia e o cumprimento da lexislación lingüística, e para as organizacións, o establecemento de medidas concretas para o uso do galego.

NIVEL DOUS. Empresas e entidades que ofrecen toda a súa información exterior en galego. No caso de facer uso tamén doutros idiomas, o galego será a lingua de opción positiva e aparecerá salientada ou en primeiro lugar.

NIVEL TRES. Aquelas que ofrecen toda a información exterior en galego e, ademais, utilízano como lingua interna de traballo: nóminas, xestións administrativas, contabilidade, etc.

NIVEL CATRO. Ademais de realizaren un uso sistemático do galego tanto interna como externamente, solicitan a información e a documentación en galego a provedores e administracións. Son entidades e empresas que dinamizan de xeito especial o uso e a extensión social do galego.

O certificado concédese cunha validez anual. Ao longo deste tempo, avaliarase de novo o cumprimento das condicións para ver en cal dos catros graos do certificado se encontra a entidade que o ostenta. A Mesa realizará un seguimento específico da aplicación das medidas nos prazos acordados coa entidade correspondente.

Para máis información pódese consultar a páxina web deste proxecto: Abertos ao Galego.