08/05/14

Premio Leixaprén


A CGENDL convoca un ano máis o Premio Leixaprén de recoñecemento á defensa e promoción da lingua galega, unha actividade aberta á participación de todos os Equipos de Normalización Lingüística dos centros de ensino adscritos á CGENDL.

Nas bases que podedes consultar na páxina web establécese que os destinatarios do premio serán persoas, entidades ou institucións que se caractericen por unha defensa activa da lingua galega en diferentes ámbitos de actuación. As candidaturas seleccionadas nesta edición son:

  • Fernando Vázquez
  • María Xosé Silvar “Sés”
  • María Mera
  • Esther García del Barrio

07/05/14

Ollos de aula

Mes de maio

Mes de maio

A CGENDL acaba de publicar unha nova da revista para as familias do alumnado.
Este número está centrado na figura de Xosé Mª Díaz Castro.
Ademais, entre outros temas, María Xesús Sobrido Gómez fala sobre se é necesario tratar famacoloxicamente tódolos trastornos por déficit de atención e hiperactividade (TDAH) e Lines Salgado sigue falando das adaptacións curriculares.


http://www.coordinadoraendl.org/limiar.php?pax=ollosdeaula/ollosdeaula.html

06/05/14

Canción do IES Poeta Díaz Castro (Guitiriz)

O IES Poeta Díaz Castro (Guitiriz) canta ao autor das Letras Galegas deste ano

 

Unha melodía coñecida para uns versos por descubrir. A nova proposta do IES Poeta Díaz Castro de Guitiriz. A letra tédela máis abaixo e podedes descargar a canción e a base musical aquí:
https://soundcloud.com/ies-diaz-castro

"Esa lus"

Esa mirada era especial,
xa que nacera no rural
e da terra ó ceo todo tiña o seu misterio
o neno Pepe escribirá

(est 1)
Esa lus, esa lus
se o poema é só un nimbo de lus
son fragmentos de min mesmo
o herdo, o mundo que me deron
se o poema é só un nimbo de lus

(est 2)
Esa lus, esa lus
se o poema é só un nimbo de lus
coma ventos fuxidos
por camiños esquencidos
se o poema é só un nimbo de lus

Más de once linguas que falou
pero unha soa que cantou,
á herba pequerrechiña e dende Parga á Pastoriza
Xose María escribirá

(est 1)
(est 2)

Un paso adiante, un paso atrás
Galiza sempre nel está
ardendo nunha bágoa ou ferido pola beleza
Díaz Castro escribirá

(est 1)
(est 2)

05/05/14

Por min o galego terá mil primaveras máis

Prolingua lanza unha nova campaña de promoción do uso do galego

 ProLingua quere que ese compromiso individual sexa visible nesta primavera. Polo que che pedimos que graves un vídeo dicindo Por min o galego terá mil primaveras máis (ou ben coa frase Por nós o galego terá mil primaveras máis, se o fas en grupo) e que nolo envíes a prolinguagalega@gmail.com antes do 23 de maio. No correo indícanos o teu nome e apelidos, lugar de orixe e profesión.


 

09/04/14

O IES "Díaz Pardo" de Sada gaña o concurso do manifesto do Correlingua

O paso adiante dos Ameneiros do instituto

 GALEGO, O PASO ADIANTE

E nunca máis un paso atrás, NUNCA MÁIS!!!!
Trazamos un camiño
que arranca esta mañá co Cola-Cao e os cereais.
Bos días en galego, por que non?
Espreguízome con Doraemon, que saca do seu peto máxico o Xabarín Club.
Baixo os chanzos da escaleira, saio da casa co pé dereito, coa mochila e co noso galego.
E xa estou no mundo, no meu  mundo, no teu mundo galego!!
GALEGO,  O PASO ADIANTE
Miraremos atrás só para disfrutar do moito que avanzamos.
Os meus amigos espéranme na rúa,
- EH! Viches que cambiei o meu perfil?
Si, eu dei o paso adiante co galego.
A que esperas ti?
- Quen nos ía dicir que estaría ben  whassapear en galego!. Non si?
- Abofé que si.
GALEGO, O PASO ADIANTE
- Pincha hoxe mesmo no “hashtags”do teu Twitter:
                              # GALEGO
e verás cantos estamos conectados no mundo.
GALEGO, O PASO ADIANTE
Esta nosa Penélope que  tece e tece no galego
e NUNCA DESTECE.
Paso a paso construímos un mundo novo, o noso mundo, o noso mundo futuro, co noso idioma galego. Somos NÓS os que decidimos onde empregalo,  alí onde vaiamos: no instituto, na vila ou  na cidade, tanto ten: virá con NÓS.
GALEGO, O PASO ADIANTE
Este fío invisible e forte que é a lingua vén ao noso carón alá onde vaiamos; ensinémoslla ao mundo en twiter, en facebook...
poñamos o xermolo en cada faro,en cada deserto,en cada estrada,en cada boca que desperta ao mundo.
GALEGO, O PASO ADIANTE
o paso que damos nós cara ao futuro,
nós, si
nós decidimos  empregar a nosa lingua.
GALEGO, O PASO ADIANTE
Nos camiños do mundo enteiro, haberá un corazón galego que latexará co noso acento: sen pudor, sen vergoña , sen prexuízos que abafen a nosa valentía e a nosa responsabilidade de representar a Galicia.
Porque nos une, porque nos fai máis fortes e porque nos identifica na “tea dos teus soños”  DÍAZ CASTRO.

06/04/14

Mirando polo galego



Bases do concurso de animación patrocinado por Óptica Cambre




1.      Poden participar todos os alumnos e alumnas dos centros inscritos no

Correlingua 2014 na comarca da Coruña.

2. A participación no concurso será EN GRUPO.

3. A animación da carreira do Correlingua consistirá no desenvolvemento de ideas (a través de pancartas, disfraces, cantigas...) que contribúan a asociar a reflexión lingüística a actividades colectivas, lúdicas e amenas e interdisciplinares.

4. Valorarase a mensaxe, a orixinalidade e a animación que o grupo lle dea á carreira.

5. Os centros deberán formalizar a inscrición neste concurso enviando un

correo electrónico a correlingua@correlingua.org antes do 2 de maio.

As inscricións deberán ter como mínimo os seguintes datos:

- Centro e número dos integrantes do grupo. Resumo da animación que van facer, indicando tamén o momento da carreira en que o farán (poden facelo durante toda a carreira, pero que sinalen cando menos un dos momentos). Poñemos exemplos:

·        Imos levar unhas camisetas de cor laranxa, cun lema e uns globos. (Durante toda a carreira)
·        Imos cantar unha canción “Galego, paso adiante” na saída, no Paseo Marítimo (á altura do Hotel Riazor...)

Desta maneira o xurado poderá emitir a súa valoración máis facilmente.
O grupo deberá levar algún elemento que os diferencie para poder localizalos no caso de gañaren o concurso.

6. O xuri estará composto pola Comisión Organizadora. A decisión do xurado será inapelábel.


7.- Os traballos premiados poderán ser reproducidos en campañas publicitarias e divulgativas do Correlingua. Para estes efectos os autores cederán os dereitos de reprodución á organización do Correlingua.

8.  Haberá un único premio consistente en 3 tablets, agasallo de Óptica Cambre. O centro gañador decidirá como as reparte entre os integrantes da animación.

9. A participación neste concurso supón a aceptación das presentes bases.

Vídeo do CEIP Salgado Torres para o Correlingua


01/04/14

Reflexión sobre o informe PISA: no me le enseñan nada

Reflexión do xornalista Xosé Manuel Pereiro sobre avaliación do sistema educativo
(informe PISA)

Unha amiga miña viviu un tempo de "vender" enciclopedias polas casas, equipada cunha lista dos alumnos e alumnas que ían máis mal que ben nuns colexios (lista que ela non sabía como a conseguiran na empresa, pero supoñíao). Presentábase como unha licenciada -que o era- que pretendía analizar os coñecementos da criatura. Confrontada coa amolada criatura, preguntáballe pola lonxitude do río Missouri, con ou sen o Mississipii. Silencio. Nova pregunta: a altura da pirámide de Keops. Silencio aínda máis espeso, mentres o rapaz se encollía no asento. Non pasaba da terceira pregunta -"Data da toma de Xerusalén por Saladino?"- e do terceiro silencio cando os pais -normalmente a nai- do alumno estoupaban: "burro, para iso teu pai e eu nos matamos a traballar, para que non aprendas nada!". Era o momento da miña amiga. "No se preocupe señora, no es culpa del niño. En esta enciclopedia vienen todas estas respuestas, ¿ve? Tiene su precio, pero muy inferior a su valor..."


http://www.laopinioncoruna.es/opinion/2014/04/05/le-ensenan/828555.html

18/02/14

Acividade da EOI da Coruña organizada polo EDLG

'Cousas que podes facer se che gusta o cinema'
dirixida, producida e protagonizada- como sempre- por membros da comunidade educativa da nosa Escola de Idiomas
mércores 19 de febreiro
12.00
Sala de vídeo
Non deixes de acompañarnos nesta estrea mundial da nosa curta de promoción
CinEOI Coruña Curtas 2014 !

12/02/14

Desaramar

Actuación no Centro Ágora o día 7 de marzo ás 9 da noite

“Desaramar” é a forza da música fronte a todas esas lacras socias que seguimos sen poder erradicar. Creado por Maria Xose Silvar (Sés), o proxecto tenta extender a idea de que unha outra sociedade é posíbel.
Podemos erradicar a violencia contra as mulleres, ou contra a diferenza en xeral, educando na igualdade e facendo arte en igualdade. Para isto, promovemos un espectáculo musical en que Sés, apoiada pola súa banda e numerosos colaboradores fará un percorrido por temas propios e alleos que, dalgún modo, nos instalan nesta idea.
Desaramar, romper os arames que nos impiden vivir en paz, é posíbel. A educación na igualdade é posíbel e hai que levala a cabo desde todas as tribunas, tamén desde os escenarios.
E a unión é a chave: mulleres e homes feministas, mulleres e homes de todas as xeracións.
Desta volta, Sés estará acompañada de Tereixa Novo (Fuxan os ventos), Martín Sanjurjo (Saraibas), Luis Tosar, Piti Sánz, Ugia Pedreira, Leo Arremecaghona, Mercedes Peón e Carlos Blanco.

Podemos desaramar, e podémolo facer cantando.

Nesta ocasión celebrarase no Centro Agora da Coruña o día 7 de marzo as nove da noite.





04/02/14

Ollos de aula nº 12

Número de febreiro

A que idade teñen que empezar a ler os nenos?
O móbil, a familia e a escola.
As reválidas.


http://www.coordinadoraendl.org/limiar.php?pax=ollosdeaula/ollosdeaula.html

30/01/14

Xadrez para todos

Colección de manuais de iniciación e perfeccionamento neste xogo

Editados pola SXPL

Xadrez para todos, unha colección composta por diversos manuais de iniciación e de perfeccionamento deste antigo xogo de estratexia, dispón actualmente de 5 volumes en lingua galega e está próxima a completarse co sexto. A elas engádense os volumes Xoga e aprende 1 e 2.