Letras 2012: escolma de recursos sobre Valentín Paz Andrade

“O estilo de Paz-Andrade que ás veces serve incluso para amenizar as súas áridas especulacións ó marxe literario, é o que o rescata das limitacións do tratadista para situalo, con tódolos dereitos, pero tamén con tódalas responsabilidades, na áre directa e firme do escritor e do poeta”, escribou Blanco Amor sobre Valentín Paz Andrade. “Cada un dos seus pasos estaba tinguido de compromiso, Galicia para él era unha utopía realizable”, afirmou sobre el Manuel Rivas. “Foi un grande patriota galego, un grande economista e tamén un grande empresario; ou sexa que uníu o amor pola cultura galega ó desenvolvemento económico do País… endexamais renunciou á loita polos dereitos políticos de Galicia; o seu exemplo debemolo seguir todos”, opina Camilo Nogueira.

Estas son algunhas das opinións que aparecen na web oficial sobre Valentín ao que se lle adica este ano o día das letras. 

Escolma de recursos na rede:

• Web oficial cara ao Día das Letras 2012: Valentín Paz Andrade
• Declaración oficial da Real Academia Galega
• En CulturaGalega.org: Un renacentista na Galicia do século XX
• A cultura de Paz Andrade
• Paz Andrade aos puntos
• Mapa conceptual de Paz Andrade (.pdf) (ideas para traballar sobre a súa figura)
• Entrada na Galipedia: Valentín Paz Andrade
• Cronobiografía de Valentín Paz Andrade
• Biografía na Enciclopedia Galega Universal
• Biografía na web da AELG
• Biografía en Galegos.info
  Información a web do IES Valentín Paz Andrade
• Paz Andrade, a memoria do século XX, entrevista de Tucho Calvo a Paz Andrade agora reeditada
• “Paz Andrade mirou con atención a lusofonía”, Tucho Calvo fala sobre o libro
• Valentín Paz-Andrade, artigo de Isaac Díaz Pardo
• A memoria do século XX, artigo de Ramón Nicolás
• Valentín Paz Andrade, artigo de Víctor Freixanes
• A extensão do galego segundo Paz Andrade: entre Návia e Corumbá/Paraná, artigo de Joám Manuel Araújo no Portal Galego da Lingua
• Valentín Paz Andrade: la razón de Galicia, artigo de Uxío Labarta
• O ano no que don Paco se fixo vigués, da relación de Paz Andrade con Francisco Fernández del Riego
• “Agora é moi fácil ser galeguista, o difícil era selo antes”, Pilar Rodríguez Prada, viúva de Valentín Paz Andrade, fala sobre o homenaxeado
• “Bouzas é o berce pesqueiro de Galicia e se cadra de España”, entrevista a seu fillo, Afonso Paz Andrade, onde fala de seu pai
• Un nacionalista na transición, artigo de Xan Carballa

Isto é galego

Curso de galego en CUAC FM

O vindeiro xoves 2 de febreiro, ás 20:30 h., terá lugar a presentación na Coruña deste curso. Será no local da A.C. Alexandre Bóveda, na rúa Olmos, 16-18, 1º. As persoas que acudan a esta presentación poderán levar o CD que ten o curso enteiro.

Pincha aquí e escoita

Este mundo é o que queremos

Debuxos realizados pol@s alum@s do CEIP Isaac Díaz Pardo de Culleredo e publicado no seu blog Soanllas

Isaac Díaz Pardo In Memoriam

Conversa con Xosé Ramón Barreiro na Casa Museo Emilia Pardo Bazán

O xoves 2 de febreiro, o académico Xosé Ramón Barreiro, conversará sobre a figura de Isaac Díaz Pardo. O acto terá lugar na Casa Museo Emilia Pardo Bazán na rúa Tabernas 11.

Este acto pretende continuar as tertulias que se iniciaron o ano pasado e que se celebraban neste museo os primeiros xoves de cada mes co título Os xoves da rúa Tabernas.

Recortes dun 70% nas axudas para o fomento do uso do galego nos centros de ensino non universitario

 As cuantías máximas das axudas pasan de 2.000 a 1.250 euros

As axudas chegan tarde, mal e moi recortadas. Os centros de ensino de infantil, primaria e secundaria, tanto públicos como privados, terán este curso menos  fondos para adicar ao fomento do galego. A Consellería de Cultura e Educación acaba de abrir a súa convocatoria anual para esta clase de proxectos cun recorte próximo ao 70% na dotación orzamentaria. A rebaixa é case homoxénea, segundo o Diario Oficial de Galicia (DOG). Os colexios e institutos públicos disporán de 250.000 euros fronte aos 800.000 do curso 2010-2011, un 68,7% menos. Os privados pasan de 50.700 a 18.000 euros. Perden un 65,5%.

Os grupos de traballo disporán agora dun mes para presentar as súas propostas, que serán avaliadas por unha comisión. O fallo dependerá da calidade do proxecto (80%) e o número de alumnos (20%). As cuantías máximas reduciranse tamén con respecto ao ano pasado: de 2.000 a 1.250 euros nos centros con máis de 50 estudantes, de 500 a 300 euros nos que teñen entre 50 e 25 matriculados e de 150 euros naqueles con menos de 25. Privados ou públicos, dá igual.

“O recorte é bestial e vai supoñer a perda de moitas actividades formativas e extraescolares”, advirte Valentina Formoso, presidenta da Coordinadora de Equipos de Normalización Lingüística. “Hai crise, é certo, pero tamén hai prioridades, e parecen claras. De todos os xeitos, o diñeiro non o é todo. Xa temos experiencia, sabemos o que é traballar en precario. O peor é a falta de apoio por parte da Administración. A determinada xente estorbámoslle”.

Non é o único recorte no que vai de mes neste ámbito. O Certificado de Lingua Galega (Celga), o título oficial homologado na UE, só poderase obter este ano en cinco localidades galegas e outras tres do resto de España entre os días 2 e 10 de xuño. Segundo o DOG do pasado 17 de xaneiro, a Secretaría Xeral de Política Lingüística renuncia a 29 das 37 sedes que estaban operativas en 2011. Suprime sete en España, 17 en Europa e cinco en Sudamérica.

Enlace DOG: Axudas ao fomento do uso do galego centros públicos

Enlace DOG: Axudas ao fomento do uso do galego centros privados

II encontro de equipos e de docentes pola normalización

A Coordinadora Galega de ENDL convida aos coordinadores/as e membros de Equipos de Dinamización da Lingua Galega e demais docentes interesados na normalización lingüística no ensino a participar no II Encontro de equipos e de docentes pola normalización, que terá lugar o sábado 11 de febreiro no  IES As Fontiñas de Santiago de Compostela.  

Ver programa na web da coordinadora
Descarga o programa

Do mesmo xeito có curso pasado, será un espazo de encontro do grande colectivo dos profesionais do ensino que traballan pola normalización da lingua galega nos centros escolares e o seu contorno para seguir ampliando as posibilidades de colaboración co obxectivo de dotar o alumnado da plena competencia lingüística tal e como establece a lexislación.

Ao longo da  xuntanza teremos a posibilidade de compartir experiencias que se desenvolven nos institutos e colexios por medio de encontros simultáneos que abordarán diferentes perspectivas do labor normalizador e dinamizador.

Correlingua 2012

Xa está en marcha o Correlingua 2012. Inscríbete

Memorias dun neno labrego

Entrevista a Xosé Neira Vilas

Os alumnos IES Francisco Asorey de Cambados entrevistan ao autor de Memorias dun neno labrego no 50 aniversario da súa publicación

Cincuenta anos de letras galegas

A festividade que honra á literatura galega cumpre este ano a súa edición número 50. Por iso, a Academia pretende dar un envoltorio especial aos actos nos que se homenaxeará a Valentín Paz Andrade. O secretario da institución, Xosé Luís Axeitos, anunciou para este ano simbólico e fetiche a celebración dun gran acto institucional e simbólico, convocando aos alcaldes das vilas e das cidades que tiveran algún homenaxeado nestes últimos 50 anos. Durante todo este tempo, un total de 52 autores (nunha das edicións tres poetas medievais foron vos protagonistas) víronse beneficiados da difusión da súa obra a través dá celebración cultural centrada na data do 17 de maio.

 

Este acto tería lugar nun gran espazo, que ben podería ser a praza de María Pita na Coruña, cunha axenda de actividades «que aínda están en proxecto». Nestes momentos a RAG atópase en fase de negociacións, tanto a nivel dá Administración como da empresa privada. Estamos na procura de patrocinadores nestes tempos difíciles -indicou Axeitos-. Xa falamos cunha serie de empresas de todo tipo para obter a súa achega económica.

Giulia Lanciani académica de honra da RAG

A Real Academia Galega (RAG) nomeou á profesora e catedrática italiana Giulia Lanciani académica de honra da institución. O plenario reunido onte otorgou esta distinción a Lanciani polo seu traballo na difusión da lingua galega a nivel internacional. Tal e como sinalou ou presidente da institución académica, Xosé Luís Méndez Ferrín, é unha das grandes propagandistas» do galego non «mundo italiano.

Este nomeamento, que a RAG reserva para as persoas que destaquen pola prestación de valiosos servizos a Galicia nos ámbitos dos que se ocupa a institución, pretende valorar un traballo polo que Lanciani xa recibiu unha homenaxe da Xunta no ano 2009. Catedrática de lingua e literatura portuguesa e brasileira do departamento de literaturas comparadas da Universidade de Roma, destacou polas súas investigacións sobre ou corpus lírico medieval galego, con importantes estudos que son xa unha referencia neste campo.

Dentro do seu labor de difusión do idioma galego en Italia, fixo traducións e xestionou a edición dalgunhas obras. Destaca a colección Poeti e prosatori galeghi, que se inaugurou coa tradución de Os escuros soños de Clío, de Carlos Casares. Ademais, o presidente da RAG fixo fincapé no prólogo á tradución galega da Divina Comedia, a cargo de Darío Xohán Cabana, e que foi premiada coa medalla de ouro da Sociedade Dantesta Italiana. Tratar dun texto memorable, unha peza literaria realmente antolóxica, subliñou Ferrín.

Outros nomeamentos

Na sesión plenaria que tivo lugar onte tamén se produciron outros nomeamentos que están relacionados coa constitución das diferentes seccións nas que está organizada a Academia e, tal e como sinalou Méndez Ferrín, os novos membros foron elixidos concretamente «para robustecer a sección de lingua e para traballar en temas como a toponimia, a gramática, a onomástica ou a sociolingüística».

En primeiro lugar, incorporar Ana Isabel Boullón, profesora titular da área de Filoloxía Galega da Universidade de Santiago. Dentro dous seus traballos como investigadora destaca a súa abundante obra relacionada co estudo da toponimia e da onomástica, que a converte nestes momentos nun referente dentro dese campo.

Tamén foi aprobado ou nomeamento de Xosé Henrique Costas Álvarez, doutor en Filoloxía Galega pola Universidade de Santiago e que actualmente ocupa ou cargo de vicerreitor de Extensión Universitaria dá Universidade de Vigo. Costas é un especialista en sociolingüística das linguas europeas de carácter minoritario. Sobre esta cuestión impartiu docencia en varios cursos de doutoramento e en aulas de diversas universidades de Europa e América.

A nómina dos novos nomeamentos da RAG completase con Gonzalo Navaza e Antón Palacio Sánchez. O primeiro é profesor de Filoloxía e Tradución da Universidade de Vigo. O seu labor investigador central, igual que Ana Isabel Boullón, en toponimia e onomástica. Como narrador e poeta, dentro do seu labor de creación destacan obras como Fábrica intima, Erros e tánatos, Libra, A torre da derrota, Santos e defuntos e Elucidario, entre outras. En canto a Antón Palacio, é catedrático de Filoloxía Galega na Facultade de Filoloxía dá Universidade de Vigo. Orienta os seus traballos de investigación ao campo do léxico, con especial atención á toponimia. Forma parte como vocal da Comisión de Toponimia dá Xunta e elaborou material docente.

Os rapaces cantan á fraga

@s alumn@s do CEIP Antonio Pedrosa Latas (Celeiro-Viveiro) queren un bosque moi diverso e por iso cantan. No río atopamos diversos biótopos (brañas, fragas ...).Aquí na canción aparecen moitas desta árbores que hai polos ríos galegos.

As árbores da fraga

Estaba o acivro
de garda na fraga,
pasou o carballo
e non lle dixo nada.

Chegou o eucalipto
á porta petar,
o acivro de garda
non o deixou pasar.

Entrou o bidueiro
e máis o salgueiro,
tamén o cerquiño
e o ameneiro.

Pasou o pradairo
seguido do freixo,
tamén a abelaira
e o castiñeiro.

Logo entrou o buxo
e máis a sobreira,
despois veu a faia
xunto coa ulmeira.

-Vaite eucalipto
non insistas máis
que aquí na fraga
non podes entrar.

(Xosé Lois Seixo Fernandez)

Versos para Celso Emilio

CinEOI Coruña Curtas

Obradoiro de curtametraxes en galego do 28 ao 29 de marzo na Escola Oficial de Idiomas da Coruña

Máis información

PuntoGal

Puntogal conta co apoio de 109 institucións e 12.370 cidadáns de todo o mundo

A ICANN, a corporación que goberna os nomes de Internet, abre este venres un proceso de solicitude de novos dominios, o primeiro dende 2004. A Asociación Puntogal, co apoio da secretaría xeral de Modernización da Xunta de Galicia, remitirá a candidatura para un identificador de máximo nivel para a lingua e a culturas galegas, o “.gal”.

O prazo para enivar as candidaturas pecha dentro de tres meses. Puntogal está a ultimar os informes imprescindibles para demostrarlle á ICANN que o dominio para o galego é viable técnica e economicamente e conta cun amplo respaldo social.

Prazos

Unha vez recibidas todas as candidaturas, a ICANN avaliará aos candidatos a través dun complexo exame nun prazo que oscila entre os doce e os dezaoito meses. No caso de superar o exame sen ter que aportar información suplementaria, poderanse rexistrar dominios .gal a partir de mediados de 2013.

Na Asociación Puntogal participan 109 entidades, incluídas as principais institucións culturais (Real Academia Galega, Consello da Cultura, etc.) e educativas (Universidade de Santiago, Universidade de Vigo, Universidade da Coruña, etc.) do país.

Utilidade do “.gal”

Máis de vinte asociacións de emigrantes baseadas en 10 estados (España, Portugal, Francia, Suíza, Alemaña, Bélxica, A Arxentina, Estados Unidos, O Uruguai e Brasil) tamén colaboran na Asociación. E é que servir de vínculo entre a comunidade emigrante é unha das utilidades prácticas que terá o “.gal”.

Un dominio propio axudará tamén a localizar máis rapidamente os contidos en galego. O aumento do prestixio que implicaría o logro “.gal” axudaría, ademais, á publicación de novos contidos en liña en galego. Así sucedeu xa no caso do “.cat”, o único dominio lingüístico en marcha.


 Beneficios para axudar ao galego nas novas tecnoloxías

En cinco anos, a Fundació Puntcat rexistrou máis de 51.000 dominios, logrando que o dominio para a lingua e culturas catalás se autofinancie. Puntogal tamén é unha iniciativa sen ánimo de lucro, que reverterá os seus beneficios en convocatorias de axudas ao fomento do galego nas novas tecnoloxías.

Apoios en liña
Máis de 13.000 cidadáns de todo o mundo xa deron o seu apoio ao Puntogal asinando en liña a través da súa web, onde seguen a chegar novas adhesións a diario. A Asociación fai un chamamento aos internautas a colaborar coa súa sinatura para demostrarlle a ICANN o apoio ao .gal.
A Asociación Puntogal informará nos próximos meses dos pasos organizativos dados cara a remisión da candidatura antes do 13 abril. 

Entrar en puntogal

A campaña publicitaria de GADIS e o uso do galego: é consecuente?

Vivamos como galegos

Carta aberta en Prolingua de Ramón Ruíz Dopico : Traizón do GADIS

Decepción e tristura son as palabras que mellor reflexan o meu sentir cando neste último mes puiden contemplar como se exclúa o noso idioma propio da publicidade, cartelería, rótulos… e todo o relacionado coas dúas tendas que Gadis ten a día de hoxe en Viveiro, unha das cales (a situada en Magazos) foi reinaugurada nestas fechas.
Hoxe entrei na tenda por primeira vez logo da reforma e puiden contemplar como o idioma galego foi eliminado por completo. A verdade é que sentín unha gran pena, sentimento totalmente contrario ó orgullo e felicidade que sentín días antes, cando pouco despois das badaladas de fin de ano emitiron o anuncio de “Vivamos como galegos”.
¿Acaso vivir como galegos está reñido co idioma galego? ¿Entenden os señores de marqueting e merchandising do Gadis que o idioma galego non é digno de ser incluído nos folletos e carteis, polo menos, a carón do castelán?¿ Ou é que “precisan” diñeiro público, ou sexa “subvencións”, para que o idioma desta terra teña unha presenza nas súas tendas?
Son comerciante, levo 18 anos cara ó público, e podo dicir que a maioría da xente que entra nas tendas de Viveiro son galego-falantes. Tamén sei que á maioría da xente lle dá igual, que nin sequera se dan conta diso, que pasan do tema. Eu non, non quero resignarme, a min non me dá igual recoñezo que nos tempos que corren para a nosa cultura e o noso idioma, o que eu estou a dicir pode atopar enfronte expresións coma “radical”, “tontería”, “que mais che dá”,ou as preguntas do millón ¿ e logo non entendes o castellano?, ou ¿ti non es “español?”

Entendo e falo castellano coma calquera de Valladolid. Síntome español (polo de agora) coma calquera madrileño, fun militar durante a miña xuventude e cumplín con España coma calquera asturiano, leonés, andaluz ou mallorquín, pero nunca renegarei da miña patria natural, Galicia, do idioma da miña xente, da miña familia, dos meus pais e avós e coido que se ser “español” leva consigo o renunciar a unha parte imprescindible da miña personalidade e da miña maneira de situarme no mundo, pois entón a miña concepción de España, por desgracia vai cambiar irremediablemente.
Recoñezo a Gadisa como unha creadora de riqueza e postos de traballo no noso pais e oxalá xurdiran moitos mais empresarios da talla do falecido Sr Tojeiro (ó cal Galica estalle agradecida) pero teño que discrepar na maneira de actuar desta empresa.
Señores do Gadis, unha cousa é predicar e outra é dar de comer. É mágoa que outras cadenas de fóra de Galicia (por exemplo Eroski) teñan mais respecto que vostedes polo noso idioma.
Oxalá poidan ler esta carta algún dia e que lles faga reflexionar.
Pola miña parte, só me gustaría que se dignaran a perder dez minutos (como perdín eu) e me contestaran a estas preguntas:
¿Por que? ¿Que é o que fixemos mal (se acaso o fixemos) os galegofalantes, para merecer este desprezo?
Sen mais saúdaos, un cliente (polo de agora), e lembren ¡Vivamos como galegos!

A malla das telecos

A Malla das Telecos é un espazo onde se analiza todo o que ten a ver coas operadoras de telefonía e Internet, tratando de poñer orde e explicar de xeito sinxelo a diversidade de compañías, tarifas, ofertas e promocións, ademais de dar algún que outro consello para tratar de aforrar nas nosas facturas.

Entra no blog

 

Celso Emilio Ferreiro: Agardarei

Xabier Díaz, Guillerme Fernández e Guadi Galego interpretan este poema musicado do autor

Canción interpretada na sala Ultramarinos de Santiago o 21 de decembro de 2010, coa letra do poema de Celso Emilio Ferreiro e musicada no ano 1975 por Luis Emilio Batallán

Creatividade nas aulas do Morrazo

Os alumnos de Secundaria e Bachillerato do Instituto As Barxas de Moaña gañan o premio Crearche do Ministerio de Educación ao fomento da creatividade no ensino.

En plena marexada de recortes e con moi escasos medios, os estudantes distinguíronse coa creación dun blog onde colgaron 25 traballos audiovisuales de calidade nun curso.

1ªAventura da Muller Lamprea

A realización das curtametraxes coa técnica do stop-motion ou cadro a cadro, que simula o movemento a partir da sucesión de imaxes fixas, supuxo unha revolución no instituto moañés. Dunha idea para as clases da profesora de Plástica Luz Beloso hai tres anos,  foise evolucionado co tempo a unha ferramenta multidisciplinar, con aplicacións en economía, en música pasando pola lingua, con especial fincapé no galego. "Os estudantes non traballan xa para a nota senón porque se implican nas actividades", relata Beloso, para quen o director, Carlos Chapela, só ten palabras de eloxio. Ela chancea sobre o súbito auxe da expresión artística no instituto, cuxos alumnos cosechan premios uno detrás doutro. "É que os de Ou Morrazo son moi artísticos", ri.

Como se fixo: "making off da muller lamprea"

Dende unha curtametraxe publicitaria para as clases de Economía a un vídeo para a promoción da lectura que acaba en lección sobre o alzhéimer, pasando por unha recreación da película dos anos oitenta O club dos cinco ou o conto con trasfondo de denuncia da primeira aventura da muller lamprea, o instituto enteiro sumouse con entusiasmo á proposta, que saíu adiante malia as limitacións e está dispoñible na Rede no sitio educortos.blogspot.com. Unha cámara, un ordenador e un proxector foron o único do que se serviron os alumnos, que compensaron os exiguos medios con traballo. Cada estudante tiña unha función asignada, e os que non eran actores participaban na elaboración do guión ou o manexo da cámara.

Os 24.000 euros do galardón destinaranse, como esixían as bases do concurso, a adquirir novo material, pero non aliviarán os serios apuros económicos do instituto, que fai malabarismos para cadrar os orzamentos. Recórdao Chapela, que resopla no frío da entrada, coa calefacción apagada por imperativo económico. Precario tamén é o estado dalgúns teitos, co chan da sala de profesores enche de cubos para atajar as goteras, que se multiplican cada vez que chove. Veu o aparellador da Xunta e díxonos claramente que non hai diñeiro", resume.

Revista Galega de Ensino

Publicado o número 62 da Revista Galega do Ensino do 2º Semestre de 2011

Centrado no valor educativo das redes

Ver revista

Valoración da CGENDL sobre a xestión do Secretario Xeral de Política Lingüística

A CGENDL despide ao Secretario desaprobando a súa xestión e lamentando a herdanza que deixa, nomeadamente no ámbito do ensino, no que a lingua galega sufriu unha involución lexislativa sen precedentes

Co anuncio feito onte por parte da Xunta de Galicia da marcha do actual Secretario Xeral de Política Lingüística ponse fin a unha das etapas máis nefastas deste organismo, durante a que se adoptaron medidas lesivas para a nosa lingua en todos os ámbitos, se lanzou un discurso negativo ao redor do idioma e se crearon novos prexuízos, mesmo amparados e potenciados pola propia administración galega.

Esta situación foi se cabe máis grave no que respecta ao ensino, ámbito no que se desenvolve a CGENDL, xa que durante os anos de xestión de Anxo Lorenzo se tomaron unha serie de medidas que nos reiteran nunha valoración negativa do seu traballo á fronte da SXPL.

1/ A derrogacción do decreto 124/2007, que desenvolvía a LNL e recollía as medidas do Plan Xeral de Normalización, refrendado por unanimidade no Parlamento Galego coa finalidade de asegurar que o alumnado rematase os estudos obrigatorios con plena competencias en ambas linguas oficiais.

2/ A aprobación do decreto 79/2010, que reduce a presenza do galego como lingua vehicular no ensino e imposibilita que a maioría das materias do ámbito científico-tecnolóxico se impartan en galego, contribuíndo a desandar o lento camiño que se trazara na dignificación da lingua.

Ademais de acentuar o desequilibrio entre as linguas oficiais, ao abeiro deste regulamento equiparouse o ensino das linguas estranxeiras ás linguas oficiais e creáronse os centros plurilingües, nos que calquera materia se pode impartir en inglés ensaiando a inmersión neste idioma, mais non se establecen os mecanismos para asegurar que o alumnado acade a competencia en lingua galega ao rematar o ensino obrigatorio, tal e como procura a lexislación educativa en materia lingüística.

3/ A supresión, en contra da opinión do profesorado e das familias, das exitosas liñas de galego en Educación Infantil que posibilitaban un ensino na nosa lingua nos primeiros anos de escolarización. Así mesmo, a enquisa programada para escoller a lingua nesta etapa, ademais de enfrontar á sociedade e ser excluínte, elimina a aprendizaxe en galego nos contornos urbanos e semiurbanos a pesar da opinión dunha importante porcentaxe das familias.
4/ A falta de interese por aumentar os recursos didácticos, actualizados e de calidade para impartir aulas en galego e por elaborar recursos para a súa aprendizaxe por parte do alumnado estranxeiro e do que ten necesidade educativas especiais.
5/ A despreocupación por dotar o Programa Abalar de materiais en galego (sendo este escasísimo incluso para aquelas materias que deben impartirse na nosa lingua), feito que está a provocar que o idioma fique abeirado nas novas tecnoloxías.
6/ A inacción ante cuestións importantes para o idioma como a desaparición de diversos medios en lingua galega, que son recursos de grande valor didáctico e normalizador, a desaparición de ferramentas normalizadoras de uso didáctico (flocos tv, oferta cultural aos centros...) ou algunhas simbólicas e de plena actualidade como o silencio outorgador ante a falta de rigorosidade do Valedor do Pobo na censura dun libro de texto.

7/ O abandono dos Equipos por:

• O desamparo ante os ataques criminalizadores que sufrimos e seguimos a sufrir por parte de sectores antidemocráticos que unicamente buscan a desaparición da nosa lingua.
• A falta de coordinación real das actividades normalizadoras dos equipos.
• A ausencia de medidas que faciliten o labor diario, como a regulación de horas de dedicación para os membros dos EDLG, a posta en marcha de programas formativos e de propostas para desenvolver nos centros, a transmisión de información e orientación do traballo, etc.
• A falta de apoio económico que impide unha planificación seria do traballo: rematou o 1º trimestre do curso 2011-2012 sen que lles ingresaran aos centros as axudas resoltas en novembro de 2010 e neste momento aínda non se convocaron as deste ano, que contemplan un 33% de recorte (dende o ano 2009 a diminución das axudas foi dun 60%). Como consecuencia disto, reséntese fortemente a programación cultural dos centros educativos, desenvolvida en grande parte polos EDLG, que complementan con numerosas actividades a formación do alumnado.

• A CGENDL agarda que este departamento comece unha nova etapa na que asuma as funcións que lle son propias e pase a planificar e executar políticas de fomento e promoción do galego na sociedade.

Morreu Isaac Díaz Pardo

Aos 91 anos e cunha obra intelectual enorme morreu este xoves o pintor e ceramista Isaac Díaz Pardo. Unha figura clave para entender a supervivencia da cultura galega no franquismo.

  Isaac Díaz Pardo faleceu  o 5 de xaneiro en Santiago de Compostela, logo de semanas cun delicado estado de saúde. A súa última aportación ao mundo da cultura e da política foi unha carta que remitiu ao homenaxe de Xosé Manuel Beiras na que lamentaba non poder estar nese acto celebrado o pasado 17 de decembro.

  Máis información en Galicia Confidencial